Мэдээлэл Технологийн Үндэсний Паркын нийт ажилчид болон инкубатор компаниудын дунд чөлөөт цагаа зөв боловсон өнгөрүүлэх, ажилчид албан хаагчдын бие бялдрыг хөгжүүлэх, эрүүл аж төрөх ёсыг хэвшүүлэх, хоорондын харилцаа холбоог сайжруулах зорилготой уламжлалт спортын арга хэмжээг 9 дүгээр сарын 15, 16-ний өдрүүдэд амжилттай зохион байгууллаа.
Спорт арга хэмжээнд МТҮП-д бойжиж буй Мэдээллийн технологийн чиглэлээр үйл ажиллагаа явуулдаг 15 инкубатор компани болон МТҮП-н нийт ажилтан албан хаагчид нийлсэн 90 тамирчин спортын 4 төрлөөр (Сагсан бөмбөг, гар бөмбөг, шатар, ширээний теннис) оролцож ур чадвар, авхаалж самбаагаар өрсөлдлөө.
Тэмцээнд:
-“Сагсан бөмбөг”-ийн төрөлд Б.Лхагвасүрэн ахлагчтай 4-р баг тэргүүн байр, П.Наранцэцэг ахлагчтай 7-р баг дэд байр, Э.Баянболд ахлагчтай 1-р баг гуравдугаар байр тус тус эзлэв.
-“Гар бөмбөг”-ийн төрөлд Б.Лхагвасүрэн ахлагчтай 4-р баг тэргүүн байр, О.Пүрэвсүрэн ахлагчтай 8-р баг дэд байр, Ж.Золзаяа ахлагчтай 3-р баг гуравдугаар байранд тус тус шалгарав.
-“Шатар”-ийн төрөлд 7-р багийн тамирчин Цолмон тэргүүн байр,
-“Ширээний теннис”-ийн төрөлд 4-р багийн тамирчин Э.Ананд тэргүүн байр эзэлж нийлбэр дүнгээр Шилжин явах цомыг Б.Лхагвасүрэн ахлагчтай 4-р баг гардан авлаа.
Тэмцээнд оролцсон МТҮП, инкубатор компаниудын хамт олонд цаашдын ажил хөдөлмөр, урлаг спортод нь өндөр амжилт хүсье.
