Инкубаторын 47 дахь сонгон шалгаруулалт амжилттай зохион байгуулагдлаа.
Шалгаруулалтад оролцогчдын материалыг 2023 оны 04-р сарын 17-ноос 04-р сарын 24-ны өдрүүдэд хүлээн авч материал тус бүрийг лацдан шалгаруулалтын өдөр ажлын хэсгийн өмнө нээж, компаниуд өөрсдийн бүтээгдэхүүн үйлчилгээгээ амжилттай танилцууллаа.
Сонгон шалгаруулалтад оролцогчдод дараах 5 шалгуур үзүүлэлтийн дагуу шүүгчдийн бүрэлдэхүүн үнэлэлт, дүгнэлт, зөвлөгөөг өгөв. Үүнд:
Шинэлэг бүтээлч санаа
Хэрэгжүүлэх боломжтой оновчтой шийдэл
Эдийн засгийн үр ашиг
Удирдлагын болон мэргэжлийн ур чадвар
Үйл ажиллагааны төлөвлөгөө
“Исоорс студи” ХХК дээрх шалгуур үзүүлэлтүүдийг хангаж “Мэдээлэл, технологийн үндэсний парк”-ын инкубаторын хөтөлбөрт хамрагдах эрхтэй боллоо. Сонгон шалгаруулалтад оролцсон компаниуд болон тэнцсэн компанидаа цаашдийн ажилд нь амжилт хүсье .
