Төр, хувийн хэвшлийн болон төрийн бус байгууллагуудын хамтран зохион байгуулж буй хөгжлийн бэрхшээлтэй иргэдийн нэгдсэн үзэсгэлэн болох “Ability Expo 2023” -д Мэдээлэл, технологийн үндэсний парк бүтээгдэхүүн, үйлчилгээгээ танилцуулан оролцлоо.
Тус үзэсгэлэн, арга хэмжээ нь хөгжлийн бэрхшээлтэй иргэдийг нийгэмд эерэгээр сурталчлан таниулах, тэдгээр иргэдийн эрүүл мэнд, боловсрол, хөдөлмөр эрхлэлтийг дэмжих, хөгжлийн бэрхшээлтэй иргэд рүү чиглэсэн технологийн шийдлүүдийг танилцуулах зорилготой.
Үзэсгэлэнг сонирхохоор ирсэн оролцогчид Мэдээлэл, технологийн үндэсний паркын “Цахим ур, чадвар олгох төв”-өөрөө дамжуулан зохион байгуулж буй хараагүй бэрхшээлтэй иргэдэд зориулсан сургалтыг маш их сонирхож байв.
Мөн “БЭРХШЭЭЛ БҮХЭН БОЛОМЖ” яръя уриан дор үндсэн 4 зорилтын хүрээнд хөгжлийн бэрхшээлтэй иргэдийн тэгш оролцоог хангахад чиглэн, нээлттэй илтгэл, хэлэлцүүлгүүд өрнөлөө.
Хэлэлцүүлэг:
– Хөдөлмөр эрхлэлт
– Эрүүл мэнд
– Технологи
– Боловсрол сэдвүүдийн хүрээнд боллоо.
