“Оюутан Бизнес Инкубатор 2016” бүртгэлийн хугацааг сунгалаа.

Оюутнуудын хүсэлтээр “Оюутан Бизнес Инкубатор 2016” бүртгэлийн хугацааг 14 хоногоор сунгаж байна.

Зорилго

Шинжлэх ухааны парк – Мэдээллийн технологи (ШУП-МТ)-оос анх удаа зохион байгуулж буй “Оюутан бизнес инкубатор” төслийн сонгон шалгаруулалт зарлагдлаа. Шинийг бүтээх эрмэлзэлтэй оюутан залууст оюутны ширээнээс гарааны бизнесээ эхлүүлэх, ирээдүйн энтрепренёр болоход нь дэмжлэг үзүүлэхэд энэхүү төслийн зорилго оршино.

Оюутан бизнес инкубаторт элссэнээр оффисын түрээсийн төлбөрөөс 60%-90% хөнгөлөгдөнө. Мөн инкубаторын үндсэн багц үйлчилгээг авах боломжтой бөгөөд ШУП-МТ байранд зохион байгуулагдах сургалт болон бусад арга хэмжээнүүдэд тогтмол хамрагдаж, ур чадвараа дээшлүүлэн, танилын хүрээгээ тэлэх боломжтой.

Хамрах хүрээ

• 3 болон түүнээс дээш курсын оюутнууд;
• Нэг жилээс хэтрээгүй бакалаврын зэрэгтэй төгсөгч;
• Магистрын зэргээр суралцагч;

Тавигдах шаардлага

Төсөл хэрэгжүүлэх баг нь 2-5 оюутны бүрэлдэхүүнтэй байх бөгөөд төслийн товч танилцуулгыг ШУП-МТ-оос өгсөн загварын дагуу бэлтгэнэ. Төслийн загварыг энд дарж татаж авна уу.

Бүртгэл

Элсэхийг хүсэгчдийг 2016 оны 04-р сарын 27-оос 05-р сарын 31-ны хооронд цахимаар энд дарж бүртгүүлнэ үү.

Бүртгэлээ баталгаажуулахдаа 05-р сарын 31-ны дотор дараах материалуудыг бүрдүүлэн ирэх шаардлагатай.

1. Сурч байгаа сургуулийн тодорхойлолт; /багийн гишүүн бүр/
2. Хичээл заалгаж буй багш, профессорын тодорхойлолт; /багийн гишүүн бүр/
3. Оюутан инкубаторт хамрагдах төслийн товч танилцуулга.  /загварын дагуу/; /багаараа/
4. Иргэний үнэмлэх, хуулбарын хамт; /багийн гишүүн бүр/
5. Дүнгийн хуулбар; /багийн гишүүн бүр/
6. Бүртгэлийн хураамж 10,000₮; /багаараа/

Шалгаруулалт

Инкубаторын сонгон шалгаруулалтад дараах шалгууруудыг үндэслэл болгоно. Үүнд:

1. Бүтээлч, шинэ санаа, оновчтой шийдэлтэй байх
2. Хэрэгжүүлэх боломжтой байх
3. Технологид суурилсан байх
4. Инновацид чиглэсэн байх

Шалгаруулалт үндсэн 2 үе шаттай явагдана.

1. 1-р шатны сонгон шалгаруулалт

2016 оны 6-р сарын 2-6 хооронд ШУП-МТ-ийн мэргэжилтнүүд эхний шатны сонгон шалгаруулалтыг хийж, тэнцсэн оролцогчдод 06-р сарын 6-ны өдөр утсаар мэдэгдэнэ.

2. 2-р шатны сонгон шалгаруулалт

Сонгон шалгаруулалтын 2-р шат 2016 оны 06-р сарын 10-ны өдөр ШУП-МТ-ийн байранд зохион байгуулагдана.

Оюутан бизнес инкубаторын үйл ажиллагааны журмыг энд дарж харна уу.

Жич: ICT Expo 2016 үзэсгэлэнд оролцож “Оюутан бизнес инкубатор 2016”-д бүртгүүлэх боломжтой.