University of Michigan, Pennsylvania State University, ШУТИС-ийн оюутнууд “Оюутан инкубатор”-т бойжино

МТҮП-ийн МТ-ийн инкубаторын 29 дэх удаагийн сонгон шалгаруулалтын “Оюутан бизнес инкубатор-2016” хөтөлбөрийн эцсийн шатны шалгаруулалт 2016 оны 06-р сарын 10-нд зохион байгуулагдаж, инкубаторт бойжигчоо тодрууллаа.

Оюутны ширээнээс гарааны бизнесээ эхлүүлж шинэ, шинэлэг санаагаа инноваци болгох зорилго, хүсэл тэмүүлэлтэй оюутнууд “Өнгөлгөөний эко чулуун хавтан үйлдвэрлэх Монгол технологи”, “Ухаалаг хэтэвч Апп”, “Хөтөч”, “Модны унасан навчаар барилгын эко материал үйлдвэрлэх”, “Your Taxi App” төслөөрөө 2-р шатны шалгаруулалтанд өрсөлдсөн юм.

“Оюутан инкубатор”-ын  анхны  бойжигчоор Америкт суралцагч оюутан /University of Michigan USA/  болон ШУТИС-ийн оюутны хамтарсан багийн “Хөтөч” төсөл шалгарч,  үнэлгээний босго онооны шалгуур үзүүлэлтийн болзлыг хангалаа.

“Хөтөч” төслийн санаа нь ерөнхий боловсролын сургууль төгсөгчдөд ирээдүйн мэргэжлээ зөв сонгоход цогц  мэдээллийг залууст хүргэж,  мэдлэгтэй, чадалтай, мэргэжилдээ дур сонирхолтой боловсон хүчинтэй болоход чиглэсэн боловсрол, нийгэм рүү хандсан гэдгээрээ онцлогтой байв.

“Хөтөч”-ийнхөн гадаад, дотоодод суралцагч оюутнуудаар багаа бүрдүүлж төслөө хэрэгжүүлэх ба гишүүд нь дэлхийд  Computer Science-н чиглэлээр 7-т жагсдаг University of Michigan, Pennsylvania State University-дад суралцдаг,  мэргэжлийн дагуу олон төсөл дээр ажиллаж байсан туршлагатай юм.

“Хөтөч” төслийн багийн гишүүдийн мэдээлэл

Монголдоо анхных гэж хэлж болох манай хэрэгжүүлж буй “Оюутан бизнес инкубатор”  хөтөлбөр жил бүр элсэлтээ зарлах бөгөөд дотоод, гадаадын их, дээд сургуулийн 3 болон түүнээс дээш ангийн оюутан, төгсөөд 1 жилээс хэтрээгүй бакалаврын зэрэгтэй төгсөгч, магистрт суралцагч оюутнуудад үргэлж нээлттэй байна.

“Оюутан бизнес инкубатор”-т өөрсдийн бизнес төлөвлөгөөгөөрөө оролцсон төслийн багийн оюутнууддаа талархал илэрхийлж, зорилгодоо хүрч, амжилт гаргахыг хүсье.