“Мэдээллийн технологийн хүний нөөцийн ур чадвар 10 жил” семинар Өмнөговь аймагт боллоо

Тус семинарыг нээж МТҮП-ийн ерөнхий захирал Б.Буян-Өлзий, Өмнөговь аймгийн Засаг даргын орлогч С.Мөнхбаяр нар үг хэлсэн бөгөөд тус семинарт Япон улсын МТДА-ын МТ-ийн хэлтсийн дэд ерөнхийлөгч Ogawa Kenjii “МТИШ-ын талаарх танилцуулга”, Япон улсын МТДА-ын МТ-ийн хэлтсийн төлөвлөлтийн тасаг, олон улсын группын гишүүн Masamichi Yazaki “”Top Gun Training” хөтөлбөр”, МТҮП-ийн Инкубатор бизнес хөгжүүлэлтийн төвийн дарга П.Наранцэцэг “МТ-ийн инженерийн шалгалт Монголд”, Өмнөговь аймгийн Холбооны газрын дарга Дэлгэрмаа “Өмнөговь аймгийн МТ-ийн хөгжил, цаашид хэрэгжүүлэх ажил, тулгамдаж буй асуудал”, МУИС-ХШУИС-ийн багш Б.Батням “МТИШ-нд хэрхэн яаж бэлтгэх” талаар илтгэл тавьж, мэдээ мэдээлэл өглөө.

Тус семинарт хүрэлцэн ирсэн оролцогчдын дунд МТИШ-ын талаарх асуулт хариултын тэмцээн зохион байгуулж, зөв хариулсан оролцогчдод Ogawa Kenjii гарын бэлгээ гардуулсанаас гадна эхний бүртгүүлсэн 10 хүн шалгалтанд үнэ төлбөргүйгээр хамрагдах 20 хүн 20%-ийн хөнгөлөлт эдлэх эрхээр тус тус шагнуулсан юм.

“Мэдээллийн технологийн хүний нөөцийн чадвар-10 жил” семинарт төрийн байгууллага, ЕБС-ийн багш нар, мэдээллийн технологийн чиглэлээр үйл ажиллагаа явуулдаг компаниудаас нийт 100-аад зочид төлөөлөгчид хүрэлцэн ирсэн бөгөөд тус аймгийн хэвлэл мэдээллийн “Алтан говь” ТВ, Аймгийн ЗДТГ-ын Олон нийттэй харилцах албаны сурвалжлагч, сэтгүүлчид хүрэлцэн ирж үйл ажиллагааны талаар мэдээ авч, сурвалжилсан юм.