“ДЭМЖИХ АЯН” арга хэмжээ болох гэж байна

Олон Улсын Хүний Нөөцийн Хөгжлийн Академи нь менежментийн зөвлөх үйлчилгээний компани бөгөөд Компаний эзэд, ТУЗ-ын дарга, Ерөнхий захирлууд, Гүйцэтгэх захирлуудад гадаад улс орнуудын томоохон компаниудад амжилттай хэрэгжиж үр дүнгээ өгч байгаа менежментийн арга хэрэгслүүдээс монгол хөрсөнд нутагшуулан зааж, компаниуд дээр хэрэгжүүлж ажилладаг.

Монгол улсад хүний нөөцийн сонгон шалгаруулалт хийхэд ажиглагддаг асуудал бол зарласан ажлын байранд сэтгэл хангалуун авах зөв хандлагатай, ажиллах хүсэл тэмүүлэлтэй, сахилга бат, хувийн соёлтой, өөрийгөө хангалттай хөгжүүлсэн хүн маш ховор байдаг.

Иймээс манай байгууллага нь компаниудад бүтээмжийн өсөлт хийх, ажил горилогчдод өөрийн хандлага, ёс зүй, харилцаа, ур чадвараа ямар түвшинд хүргэх шаардлагатай мэдлэгийг олгох зорилгоор “”Дэмжих аян” арга хэмжээг  Мэдээллийн технологийн үндэсний парк /МТҮП/, Сэтгэл судлалын үндэсний төвтэй хамтран 2016 оны 10 дугаар сарын 15-ны өдөр МТҮП-ийн 211 тоот танхимд зохион байгуулах гэж байна.

Хөдөлмөрийн зах зээл дээр байгаа бүх түвшний менежерүүдэд нийтлэг өөрийгөө хөгжүүлдэггүй, идэвхи санаачлагагүй, хариуцлагагүй байдлыг таслан зогсооход Үндэсний том аж ахуйн нэгжүүдийн ирээдүйн хөгжлийн том зорилтууд, ажилтанд тавих шаардлага, ажлын нөхцөл, урамшууллын бодлого зэргийг нээлттэй танилцуулах нь тухайн компаний ирээдүйд төдийгүй улс орны хөгжилд өндөр ач холбогдолтой байдаг. 

Google, Apple, Facebook, McKinsey, McDonald’s гээд цааш хөврөх тэргүүлэгч компаниуд ирээдүйд юу бүтээхээр  зорьж байгаагаа, ажилтнууд нь ямар чадвартай байх ёстойг, ажилд орвол ямар сайн нөхцөл, боломжууд хүлээж байгааг дэлхий нийтэд нээлттэй зарлаж, оффис, ажлын орчноо нээлттэй харуулж шилдэг мэргэжилтнүүдийг өөртөө татдаг. Хувь хүмүүст өөрийгөө хөгжүүлж сорих мөрөөдөл, өрсөлдөөн, зорилгыг ч бий болгодог. 

Дэлхий дахины энэ л жишгээр Монгол улсын амжилттай ажиллаж яваа, байгууллага, мэргэжилтнүүдэд санал тавьж нийгэмд манлайлал үзүүлж шинэ жишгийг тогтоо өгөхийг хүсч байна.

Оролцогчид нь ирээдүйд өөрийгөө сорьж ажиллах бэлтгэлээ хийж буй оюутнууд, идэвхитэй ажил хайгчид, карьераа өсгөх хүсэлтэй байгаа менежерүүд, мөн сонирхогчдод нээлттэй байна. 

Арга хэмжээ 2016.10.15- ны өдрийн Бямба гаригт 11.00 – 16.00 цагт Мэдээллийн технологийн үндэсний парк дээр явагдана.

Хөтөлбөр

11.00 – 11.20    Нээлт

11.25 – 11.45    ОУХНХА “Ирээдүйгээ Та өөрөө бүтээдэг” сэдэлжүүлэх сургалт

12.50-13.10 Сэтгэл судлалын үндэсний төв “Ажлын ярилцлагын үед өөрийгөө  хэрхэн бүрэн зөв таниулах вэ?” лекц

13.10 – 13.25   Асуулт хариулт

13.30 – 13.50   ОУХНХА “Анкетийг хэрхэн зөв, хариуцлагатай бөглөж ажил олгогчийн сонирхолыг татах вэ?” илтгэл

13.50 – 14.10   Цайны завсарлага

14.15 – 14.35   Оролцогч компаний илтгэл 

14.35 – 14.50   Асуулт хариулт

14.55 – 15.50   Ганцаарчилсан зөвлөх үйлчилгээ, анкетийн бүрдүүлэлт

15.50 – 16.00   Хаалт  

Үйл ажиллагаа 7 хоног бүрийн Бямба гариг бүр цаашид салбар бүрийн мэргэжилтнүүдээр хүрээгээ тэлж явагдана.