НҮБ-ын Улаанбаатар загвар үндэсний байгууллагын хуралдаан боллоо

НҮБ-ын Улаанбаатар загвар үндэсний байгууллагын Монголын ахлах сургуулийн сурагчид дэлхийд эх орноо төдийгүй өөрсдийгөө таниулах зорилго бүхий хуралдааныг 2016 оны 10 сарын 22, 23-нд МТҮП-т зохион байгууллаа.

3 өдрийн арга хэмжээнээс ахлах сургуулийн сурагчид олон улсын улстөр болон дипломат харилцаа, эдийн засаг, хүний нөөцийн чадварын талаар дэлхийн нэг, нэг улсыг төлөөлж харилцан ярилцаж, мэдээлэл солилцож үеийнхнээсээ суралцангаа нийгмийн өмнө ямар үүрэг, хариуцлага хүлээхээ ухамсарлаж “би” гэдгээс “бие” хүн гэдгээ илүүтэй мэдэрсэн бөгөөд тэдний үйл ажиллагааг хөндлөнгөөс ажиглахад яг л “мини дэлхий”-н олон улс үндэстний төлөөлөгчид хуран цугларсан мэт ёстой л НҮБ-ын загвар байгууллага гэдгээ баталж чадсан үйл ажиллагаа боллоо.
Тус хуралдаан нь
1.НҮБ-ын салбар хуралдаан. Сэдэв: Олон улсын шүүх-24 гишүүнтэй
2.НҮБ-ын салбар хуралдаан. Сэдэв: Хүний эрхий зөвлөл-41 гишүүнтэй
3.НҮБ-ын салбар хуралдаан. Сэдэв. Эдийн засаг, нийгмийн зөвлөл-41 гишүүнтэй
4.НҮБ-ын салбар хуралдаан. Сэдэв. Аюулгүйн зөвлөл-18 гишүүнтэй
5.НҮБ-ын салбар хуралдаан. Сэдэв. UNESCO-41 гишүүнтэй гэсэн 5 сэдвийн дор нэг зэрэг эхэлсэн бөгөөд олон улсын томоохон үйл ажиллагааг хүүхдүүд ямар ч эцэг эх, багш нар, томчуудын оролцоогүйгээр өөрсдөө бие даан англи хэл дээр зохион байгуулсан нь нийгмийн төлөө гэх оюунлаг, боловсролтой залуусийн хүсэл, эрмэлзэл, зорилгын нэгхэн хэсэг болж байснаараа онцлог байлаа.