Олон улсын стандартын шалгуур үзүүлэлтэд суурилсан мэдээллийн технологийн ур чадвар, мэдлэгийг үнэлэх олон улсын ТОPСIТ шалгалтыг Монгол Улс албан ёсны зөвшөөрөлтэйгээр 9 дэх удаагаа (2021 оны 06 сарын 02, 03-ны өдрүүдэд) зохион байгуулах гэж байна. Шалгалтын бүртгэл эхэлсэнтэй холбогдуулан TOPCIT шалгалтын дэлгэрэнгүй мэдээллийг хүргэе.
Гишүүн орнууд: Монгол, Тайланд, Франц, Канад, Герман, Бельги, Малайз, Англи, Вьетнам, АНУ, Филлипин
Хэн өгч болох: Мэдээллийн технологийн чиглэлээр сурч байгаа оюутан, энэ салбарт ажиллаж байгаа албан хаагч болон програм хангамж хөгжүүлэгчид
Зорилго: Ажлын талбарт шаардлагатай байгаа програм хангамж, өгөгдлийн сан, мэдээллийн аюулгүй байдал, мэдээллийн технологийн бизнес, технологийн харилцан холболт, төслийн удирдлага зэрэг чиглэлүүдийн мэдлэг, практикийн ур чадварыг үнэлэх
Боломж: Мэдээлэл, харилцаа холбоо технологийн чиглэлээр үйл ажиллагаа эрхэлж буй төрийн болон аж ахуй нэгж байгууллага, компани, их дээд сургуулийн ажилтан, оюутан суралцагчид, инженер техникийн ажилчид, програм хангамж хөгжүүлэгчид хамрагдах
Шалгалтын хэлбэр: IBT буюу Интернэтэд суурилсан
Түвшин: 6
Асуултын тоо: Технологийн болон бизнесийн гэсэн хоёр бүлэг бүхий нийт 65 тестийн асуулт
Онцлог: Шалгалтын материал англи хэл дээр гэдгээрээ онцлогтой тул шалгуулагчид англи хэлний түвшнээ ч давхар бататгах давуу талтай. Шалгалтад “тэнцсэн”, “тэнцээгүй” гэсэн ойлголт байхгүй ба нийт 1000 онооны асуултаас оноо авалтаас шалтгаалан шалгуулагч нь өөрийн практик ур чадварын түвшинг 5 ангиллын дагуу тодорхойлох боломжтой. Үүнд:
Шалгалтын хариу гарах хугацаа: 1 сар
Олон улсын хөтөлбөрт хамруулах: Хамгийн өндөр оноо авсан 2 шалгуулагч БНСУ-ын МТ-ийн тэргүүлэх байгууллагад зочлон 7 хоногийн хөтөлбөрт хамрагдан туршлага судлах боломжтой.
Гэрчилгээ: Олон улсын түвшинд хүлээн зөвшөөрөгдсөн гэрчилгээ гардан авна. Гэрчилгээг “Зөвхөн шалгуулагчид” илгээх бөгөөд түвшин бүрийн чадварыг тодорхойлсон “Олон улсын гэрчилгээ” олгоно.
Шалгалтын хураамж: 50,000 төгрөг
Бүртгэл: Мэдээлэл, Технологийн Үндэсний Парк /ITPark/-ын 2 давхарт 222 тоотод ирж бүртгүүлнэ үү.
Дэлгэрэнгүй мэдээллийг 11-318042, 95151531 болон exam@itpark.mn хаягаар лавлана уу.
ТАНД АМЖИЛТ ХҮСЬЕ!