МТҮП-н Инкубаторын ҮНДСЭН болон АХИСАН түвшний сонгон шалгаруулалт амжилттай зохион байгуулагдлаа

Мэдээлэл технологийн үндэсний парк (МТҮП) ын бизнес инкубаторын 40, 41 дэх элсэлт өнөөдөр буюу 2021 оны 5 дугаар сарын 14-нд МТҮП-н байранд амжилттай зохион байгуулагдлаа. МТҮП-н инкубатор нь байгууллага, баг таны мэдээллийн технологийн шинэ санааг дэмжиж бизнес болгох, үйл ажиллагааг хөнгөвчлөх, бүтээгдэхүүний чанарыг нэмэгдүүлэх, МТ-д суурилсан компаниудыг олноор төрүүлэх, шинэ брэнд бүтээгдэхүүнийг дотоод, гадаадын зах зээлд нэвтрүүлэх зорилготой ажилладаг.

Энэ удаагийн шалгаруулалтад хүний нөөцийн аппликэйшн хөгжүүлэлт, контент үйлдвэрлэл, эрүүл мэндийн аппликэйшн, гар утасны аппликэйшн, GPS хяналтын систем, сошиал медиа автоматжуулалт, фитнесс, спорт гишүүнчлэлийн аппликэйшн зэрэг нийт 9 компани өөрсдийн бүтээгдэхүүн үйлчилгээгээ танилцууллаа.

Сонгон шалгаруулалтанд оролцсон компани болон иргэнээс “ҮНДСЭН” инкубаторт Иргэн Э.Тэмүүжин, С.Догмидмаа, Робот Софт ХХК, One Fit, “АХИСАН” түвшиний инкубаторт “Сим” ХХК компани шалгарч МТҮП-н инкубаторт бойжих эрх авч хамтран ажиллахаар боллоо. МТ-д суурилсан шинэ, шинэлэг санаатай залуус маань цаасан дээр төлөвлөсөн санаагаа амьдралд ажил хэрэг болгох, өөрийн брэнд бүтээгдэхүүнийг үйлдвэрлэн зах зээлд нэвтрүүлэх зорилго тээн сонгон шалгаруулалтанд оролцсон бүх оролцогчиддоо талархал илэрхийлье. Бүх оролцогчиддоо цаашдын ажилд нь амжилт хүсье.