МОНГОЛ УЛСЫН ЭКСПОРТЫН ҮНДЭСНИЙ СТРАТЕГИ-2 ДАХЬ ШАТНЫ ХЭЛЭЛЦҮҮЛЭГ БОЛЛОО

МҮХАҮТ-д бүтээгдэхүүн, үйлчилгээ, худалдааг дэмжих үйл ажиллагааны салбарын зөвлөлдөх уулзалт боллоо. Тус уулзалтын зорилго нь стратегийн асуудлаар зөвшилцөлд хүрэх, үйл ажиллагааны төлөвлөгөөг баталгаажуулах юм. 2023 оны 6 дугаар сарын 30-нд эхний зөвлөлдөх уулзалт болсон. Өнөөдөр Олон Улсын Худалдааны Төвийнхөн үйл ажиллагааны төлөвлөгөөг хэлэлцэх 2 дахь удаагийн зөвлөлдөх уулзалтыг зохион байгууллаа.Эдгээр зөвлөлдөх уулзалтаар экспортын стратегийн хэрэгжилтийг удирдан чиглүүлэх, төрийн болон хувийн хэвшлийн оролцогч талуудын саналыг тусгаж, харилцан уялдаатай стратегийн баримт бичгүүдийг боловсруулна. Стратеги нь дараагийн таван жилийн хугацаанд салбарын хөгжлийн ерөнхий зураглал болох юм.