ЗАВХАН АЙМАГТ “МИНИЙ АНХНЫ ИНЖЕНЕРЧЛЭЛ” WORKSHOP ЭХЭЛЛЭЭ

“Шинжлэх ухаан, технологи, инновацыг орон нутагт нутагшуулъя” аяны хүрээнд Завхан аймагт хэлэлцүүлэг, арга хэмжээ, сургалт, үзэсгэлэнг 2023 оны 09 дүгээр сарын 28, 29-ний өдрүүдэд зохион байгуулж байна. Өнөөдөр МТҮП-аас “Шинжлэх ухаан суурь мэдлэг, амьдрал дээрх практик ойлголт, юмс үзэгдлийн учир шалтгааныг эрэлхийлэх, тайлбарлах шинжлэх ухаанч хандлага, төлөвшилтэй болгох” зорилгоор зохион байгуулж буй “Миний анхны инженерчлэл” workshop эхэллээ. Завхан аймгийн Боловсрол шинжлэх ухааны газрын дарга Д.Бямбацогт үйл ажиллагааг нээж үг хэлж, нийт сурагчдад амжилт хүслээ.

Энэ удаагийн арга хэмжээг МТҮП, Space Academy Mongolia болон Завхан аймгийн Боловсрол Шинжлэх Ухааны Газар хамтран зохион байгуулж байна. Сургалтад нийт 4-6 дугаар ангийн 40 хүүхэд хамрагдаж байгаа юм.