ДЭЛХИЙН ТЕХНОПОЛИСИЙН ХОЛБООНЫ 9 ДАХЬ ЕРӨНХИЙ АССЕМБЛЕЙ-д оролцлоо.

ДЭЛХИЙН ТЕХНОПОЛИСИЙН ХОЛБООНЫ 9 ДАХЬ ЕРӨНХИЙ АССЕМБЛЕЙ-д оролцлоо.

2014 оны 11-р сарын 11-14-ний өдрүүдэд Бүгд Найрамдах Солонгос Улсын Тэжон хотод зохион байгуулагдсан Дэлхийн Технополисийн Холбооны 9 дахь Ерөнхий Ассемблей болсон бөгөөд уг үйл ажиллагааны хүрээнд Ерөнхий ассемблей, Тэжон глобал инновацийн чуулга, ЮНЭСКО-ДТХ хамтарсан сургалт семинар, Өндөр технологийн үзэсгэлэнг нэгэн зэрэг зохион байгуулсан. Мэдээллийн Технологийн Үндэсний Паркаас нийт 8 төлөөлөгчид энэхүү үйл ажиллагааны 9 дахь Ерөнхий Ассемблей, Тэжон глобал инновацийн чуулга болон ЮНЭСКО-ДТХ хамтарсан сургалт семинарт туршлага, шинэлэг санаа солилцох, инновацийн тухай мэдлэгээ тэлэх зорилготойгоор оролцов.

ДТХ-ны 9 дахь Ерөнхий Ассемблей

Дэлхийн Технополисийн Холбоо нь 44 улс орноос 91 гишүүнтэй байгууллага юм. 9 дахь Ерөнхий Ассемблейд МТҮП-ийг төлөөлөн МТҮП-ийн Стратеги, Бизнес Хөгжлийн төвийн дарга П.Наранцэцэг оролцов. Ерөнхий Ассемблейн үеэр ДТХ-ны 2014 оны тайлан, төсөв, ДТ-ийн тойм хэвлэлийн тухай ярилцаж, 10 дахь Ерөнхий Ассемблейг зохион байгуулах улсыг зарласан бөгөөд 2015 оны ДТХ-ны 10 дахь Ерөнхий Ассемблейг Бүгд Найрамдах Индонез улсын Өмнөд Тангеран хотод зохион байгуулахаар боллоо.

Тэжон глобал инновацийн чуулга

      Энэхүү чуулга нь “Инноваци 4.0: Бүтээлч эдийн засаг уруу инновацийн парадигмийг шилжүүлэх” сэдвээр 2014 оны 11-р сарын 12-13-ний хооронд Тэжон хотын Конвенцийн төв дээр болсон бөгөөд үүнд МТҮП-ийн Стратеги, Бизнес Хөгжлийн төвийн дарга П.Наранцэцэг, Захиргаа, Хүний Нөөцийн газрын дарга Ц.Эрдэнэлхам, Гадаад харилцаа, маркетингийн мэргэжилтэн О.Мишээл, Програм хангамжийн инженер Ж.Даваахүү нар оролцсон. Уг чуулга нь 4 нэгдсэн хуралдаанаас бүрдэж нийт 24 илтгэгчид “Дээд боловсролын байгууллагууд, судалгааны байгууллагууд, аж үйлдвэрүүдийн хоорондын хамтын ажиллагаагаар бүтээлч эдийн засгийг хурдасгах”, “Бүтээлч эдийн засаг ба бүс нутгийн аж үйлвэрүүдийг дэмжих”, “Дээд боловсролын байгууллагууд болон судалгааны байгууллагуудын инновацийн чадварыг дэмжих”, “Инновацийн экосистемийг бүтээн байгуулалт” сэдвүүдийн дор илтгэсэн.

ЮНЭСКО-ДТХ хамтарсан сургалт семинар

Энэхүү сургалт нь 2014 оны 11-р сарын 11-14-ний хооронд Иннополис Сангийн хурлын танхимд болж үүнд МТҮП-ийн Үйл ажиллагаа хариуцсан мэргэжилтэн Г.Ганцэцэг, Хүний нөөцийн мэргэжилтэн Ц.Мөнгөнтуул, Мэдээллийн технологийн ур чадвар хариуцсан мэргэжилтэн Ч.Сувд, Бизнес хөгжүүлэлтийн мэргэжилтэн Б.Ганпүрэв нар оролцлоо. Семинар сургалт нь 3 хуралдаанаас бүрдсэн бөгөөд “Бүс нутгийн инновацид их сургуулиудын үүрэг”, “Шинжлэх ухааны хотууд болон шинжлэх ухаан, технологийн паркууд дахь старт-ап компаниудын өсөлт”, “Менежмент/Аж үйлдвэр, их сургуулиудын хамтын ажиллагаа” сэдвүүдийн дор нийт 9 илтгэгч нар ярилаа.

 

FotorCreated

IMG_0153

 

Инкубаторын Графикс ХХК-ийн ажилтнууд

  • Ганцэцэг
  • 2014-11-19
  • Уншсан:4533

Салбарын байгууллагууд