Азийн орнуудын МТИШ-ийн суурь шалгалтанд тэнцэж, Монгол улсаас хамгийн өндөр оноо авсан МУИС-ХШУИС-ийн 4-р курсын оюутан У.Наранбаяр “Top Gun Training” хөтөлбөрийн анхны оролцогч болж, Япон улс руу амжилттай яваад ирлээ.
Тус хөтөлбөрт ITPEC-ийн гишүүн орнууд болох Монгол, Малайз, Тайланд, Вьетнам, Филлипин, Бангладеш, Мьянмар зэрэг орнуудын 7 тэнцэгч оролцсон байна.
Хөтөлбөрийн хүрээнд Япон улсын мэдээллийн технологийн томоохон компаниудын үйл ажиллагаатай танилцан, туршлага судалсан бөгөөд үүнээс гадна тус 7 тэнцэгч нь “IPTEC-ийн элч” гэсэн нэр хүндтэй сертификатыг гардан авсан бөгөөд үүнийг авснаараа өөрийн улс орондоо МТИШ-ыг сурталчлан таниулах онцгой үүрэг, хариуцлагыг хүлээж байгаа юм.
Дараачийн Top Gun Training хөтөлбөр нь 2016 оны 2 сарын 22-оос 3 сарын 02-ны хооронд зохион байгуулагдах бөгөөд 2015 оны хавар болон намрын шалгалтанд хамгийн өндөр оноо авч тэнцсэн, нэг нэг тэнцэгч нь уг хөтөлбөрт хамрагдах боломжтой юм.
Удахгүй зохион байгуулагдах МТИШ-нд оролцохоор бэлтгэж буй шалгуулагчдадаа амжилт хүсье.