МТ-ийн Инкубаторын 26 дэх элсэлтийн дүн гарлаа

Мэдээллийн технологийн 26 дэх удаагийн сонгон шалгаруулалтыг 2015 оны 12-р сарын 04-ний өдөр МТҮП-ын 217 тоот буюу “Coworking space 2”-т зохион байгуулав.

Энэ удаагийн элсэлтээр нийт 8 компани, 1 иргэн бүртгүүлж, элсэлтийн сонгон шалгаруулалтанд орлоо. Дээрх компани болон иргэдийн элсэлтийн бичиг баримтуудыг 2015 оны 11-р сарын 16-аас 2015 оны 12-р сарын 04-ний өдрүүдэд хүлээн авч эх материалуудыг 12-р сарын 04-ний өдөр сонгон шалгаруулалтын ажлын хэсэгт нээж танилцуулав. МТ-ийн инкубаторын үйл ажиллагааны журмын 1.4-р заалтанд заасны дагуу МТҮП-ын Ерөнхий захирлын шийдвэрээр баталсан ажлын хэсэг дараах 5 үндсэн шалгуур үзүүлэлтээр шалгаруулж, нэгдсэн дүнг тавилаа. Үүнд:

1.Шинэлэг бүтээлч санаа

2.Хэрэгжүүлэх боломжтой оновчтой шийдэл

3.Эдийн засгийн үр ашиг

4.Удирдлагын болон мэргэжлийн ур чадвар

5.Үйл ажиллагааны төлөвлөгөө

Сонгон шалгаруулалтаар “Хабул Электроникс” ХХК, “Гөүсмарт” ХХК, “Наномэп” ХХК, “Мосс” ХХК, “Анрид” ХХК, “Айхотел” ХХК-иуд хангалттай дүн авч МТ-ийн инкубаторт элсэн орох болзлыг хангалаа.

Та бүхэнд ажлын амжилт хүсье.