2014 оны 11-р сарын 11-14-ний өдрүүдэд Бүгд Найрамдах Солонгос Улсын Тэжон хотод Дэлхийн Технополисийн Холбооны IX дэх Ерөнхий Ассамблей болсон билээ Уг үйл ажиллагаанд Монгол улсаа төлөөлөн МТҮП-ийн Стратеги, Бизнес Хөгжлийн төвийн дарга П.Наранцэцэг, Захиргаа, Хүний Нөөцийн газрын дарга Ц.Эрдэнэлхам, гадаад харилцаа, маркетингийн мэргэжилтэн О.Мишээл, програм хангамжийн инженер Ж.Даваахүү,үйл ажиллагаа хариуцсан мэргэжилтэн Г.Ганцэцэг, хүний нөөцийн мэргэжилтэн Ц.Мөнгөнтуул, мэдээллийн технологийн ур чадвар хариуцсан мэргэжилтэн Ч.Сувд, бизнес хөгжүүлэлтийн мэргэжилтэн Б.Ганпүрэв нар оролцлоо. Энэ удаа Мэдээллийн Технологийн Үндэсний Парк нь инкубаторын компаниудыг дэмжих, үйл ажиллагааг сурталчилах, гадаад зах зээлд гаргах боломжийг нээх, олон улсын туршлага судлах зорилгоор инкубаторын компаниудаас О.Лхагвасүрэн захиралтай “Grafx”-ХХК-ийг энэхүү үйл ажиллагаанд оролцуулсан нь онцлог үйл явдал байлаа. Ингэснээр тус компани нь олон улсын хурал болон үзэсгэлэнд оролцсон туршлагаасаа бусадтайгаа хуваалцах нь компани хоорондын хамтын ажиллагаа өргөжин тэлэх боломж нээгдэж байгаа явдал юм.